Жаратылыстану ғажайыптары атты пәндер апталығының ашылуы
Сырдария аграрлы - техникалық колледжінде Жаратылыстану пәндер апталығы өтуде. "Жаратылыстану ғажайыптары" атты пәндер апталығының мақсаты - студенттерге қазіргі таңдағы ғылымның дамуы және ғылымның өмірмен байланысы туралы мағлұмат бере отырып студенттерге пәнге деген қызығушылығын арттыру; студенттердің шығармашылық қабілеттерін дамыту,ғылыми дүниетанымын қалыптастыру; өз Отанының табиғатын қорғай білуге бағыт беру , табиғатты қорғау шараларына белсенді араласу дағыдаларын қалыптастыру және салауатты өмір салтына тәрбиелеу.
Жүргізуші АШМ-22-61 оқу тобының студенті Асылжан жаратылыстану апталығында барлық ғылымдардың ішіндегі ең-ең қызық болып табылатын пән иелерін ортаға шақырып, таныстырып өтті. Әр пән өкілдері жас достарға арнап лебіздерін білдірді. Сонымен қатар физика, химия, биология, математика , информатика пәндері бойынша қызықты деректер айтылды. Соңында физика пәнінің оқытушысы Марина Жумабаева студенттерге хабарлама жасап, апталыққа белсене қатысуға шақырып, сәттілік тіледі.
